Олунньу 8 күнүгэр «Олоңхо мин дьарыктарбар» диэн улуустаађы семинар-практикум буолан ааста. Уопсайа холбоон 22 учууталлар, уһуйааччылар, иитээччилэр кэлэн истэн, санааларын үллэстэн бардылар. Уһуйаан иитээччилэрэ оскуолађа киириэн иннинээђи саастаах ођолорго бэйэлэрин үлэлэригэр туттар араас хомулуктары, остуол оонньууларын, ойуулуур кинигэлэрин кэпсээтилэр, үлэлиир уопуттарын үллэһиннилэр. Оскуола учууталлара араас предмеккэ ахсаан, физика, саха тылын уонна литэрэтиирэтин, алын кылаас уруоктарыгар туттар ньымаларын, интегрированнай уруоктар хаамыыларын кэпсээтилэр. Эксперт быһыытынан кэлэн үлэлээбит А.А.Черемных аатынан Амматаађы искусство ођо оскуолатын уһуйааччыта Софронова Анисия Даниловна, В.В.Расторгуев аатынан №2 оскуола саха тылын уонна литэрэтиирэтин учуутала Сивцева Залина Петровна, Ф.Ф.Потапов аатынан уус-уран салайааччыта Санникова Фекла Петровна үлэлээтилэр.
Семинар түмүгүнэн 2021 с.ыытыллыахтаах олоңхо ыһыађар бэлэмнэнии үлэтин сађалаан элбэх маастар кылаастары, конкурустары, семинардары тэрийэн ыытыаххайың диэн түмүккэ кэллибит. Хайысханан үлэ биир сомођолоохтук бардађына үтүө түмүктэр баар буолуохтара.

Анна Кириллина эбии үөрэхтээһин педагога