Бүгүн олунньу 12 күнүгэр төрөөбүт тыл уонна сурук – бичик күнүн чэрчитинэн “Олоҥхо тула сэһэргэһиэҕиҥ ” диэн семинар ыыттыбыт. Бу семинарга эбии үөрэхтээьин педагогтара, фольклорнай бөлөх салайааччылара, уһуйаан иитээччилэрэ кыттыыны ыллылар. Семинар ытык ыалдьыттарынан буоллулар: Александра Ивановна Артемьева “Олоҥхо” ассоциациятын Амматааҕы филиалын 2017 -2020 сс бэрэссэдээтэлэ, Василий Васильевич Кочаткин Амма улууһун культура управленията уонна норуот айымньыта фольклорга специалиһа, Саргылана Васильевна Борисова “Олоҥхо” ассоциациятын Амматааҕы филиалын саҥа талыллыбыт бэрэссэдээтэлэ.
Семинарга олоҥхо ыһыаҕын көрсө ыытыллыахтаах үлэлэр былааннарын кэпсэтиһии буолла. Александра Ивановна Олоҥхо ассоциациятын үс сыл салайан кэллэ. Кини 2024 сылга буолар Олоҥхо ыһыаҕар Аммалар кыайыахтаахпыт диэн хас биирдии уьуйааччы иннигэр үрдүк сыалы- соругу туруорда. Василий Васильевич олоҥхо ыһыаҕар оһуохайга, олоҥхоҕо, хомуска, тойукка, чабырҕахха, дэгэрэҥ ырыаҕа бэлэмнэнии үлэтэ билиҥҥэттэн саҕаланыахтааҕын эттэ. Уһуйааччылар үөрэнээччилэрин республиканскай, улуснай күрэхтэргэ кытыннаран иһэллэригэр сүбэлээтэ. Саргылана Васильевна олонхо ыһыаҕын көрсө Амма олоҥхоьуттарын кинигэтэ тахсара былааннанарын кэпсээтэ. Бу улахан тэрээһиҥҥэ бары күргүөмнээхтик үлэлээтэхпитинэ ситиһиилэниэхпит диэтэ. Анисия Даниловна Софронова, Матрена Иннокентьевна Владимирова уонна Анжела Дмитриевна Филиппова “Чээбий чэмэлкэйдэрэ” сетевой бырайыакка бары салайааччылары кыттыһын диэн ыҥырдылар. Түмүккэ, муус устар ыйга биир нэдиэлэлээх маастар кылаастары уһуйааччыларга анаан ыытарга диэн быһаардыбыт
