Тохсунньу 27-28 күннэригэр Мэҥэ-Хаҥалас улууһун Майа сэлиэнньэтигэр 18-с төгүлүн ыытыллар оскуола оҕолорун илин эҥэрдээҕи региональнай Саха КВН оонньуута буолан ааста. Биэс улуустан: Мэҥэ-Хаҥаластан, Тааттаттан, Чурапчыттан, Амматтан, Уус-Алдантан талыллан кэлбит 11 саамай күүстээх, чаҕылхай хамаандалар кыттыыны ыллылар.
Сүрдээх тыҥааһыннаах, 5 түһүмэхтээх оонньуу кэнниттэн 3-с миэстэҕэ „Амма улууһун хомуур хамаандата” (салайааччы Ефремова Светлана Дмитриевна, „О.П. Иванова-Сидоркевич аатынан Амматааҕы айар сайдыы киинэ”), 2-кэ Тааттаттан „Ситик” уонна 1-ы миэстэҕэ Мэҥэ-Хаҥалас улууһун „Саҥа кэм” КВН хамаандалара тахсаннар республикаҕа оонньуур чиэскэ тигистилэр.
Бу Амма улууһугар хас да сыл кэнниттэн кэлбит улахан ситиһиилээх оонньуу буолла республика таһымыгар таҕыстыбыт
Ону сэргэ хамаанда биир сүрүн оонньооччута, Сатаҕай орто оскуолатын 11-с кылааһын үөрэнээччитэ Апросимова Неля көрөөччүлэр уонна дьүүллүүр сүбэ биһирэбиллэрин ылан „Мисс КВН” анал аат хаһаайкатынан буолла
Хамаанда састааба бары даҕаны кыра эрдэхтэриттэн КВНы ис сүрэхтэриттэн таптыыр, бэриниилээх, өрө тутар буоланнар улуустарыгар маннык улахан кыайыыны аҕаллылар
Оҕолорбутугар кулун тутар 30-31 күннэригэр Дьокуускай куоракка буолар республикатааҕы оонньууга өссө үрдүк ситиһиини баҕарыаҕын
Амма улууһун иккис хамаандата Сатаҕай орто оскуолатыттан „Чаҕылхайдар” (салайааччы Никитина Ольга Николаевна) эмиэ сүрдээх ситиһиилээхтик кытыннылар. Ол курдук „Алтан чуораан” уонна „Бастыҥ дьиэтээҕи сорудах” анал ааттары ыллылар уонна Уус-Алдан улууһун аҕа баһылыгын кубогар оонньуу барар чиэскэ тигистилэр„Чаҕылхайдарга” үрдүктэн үрдүк чыпчааллары баҕарыаҕын
Күүс-көмө буолбут дьоммутугар барҕа махталбытын тиэрдэбит. Чуолаан күндү төрөппүттэрбитигэр, оскуолаларбытыгар (Амматааҕы лицей, 2 нүөмэрдээх оскуола, Сатаҕай оскуолата), транспорынан хааччыйбыт Амматааҕы лицей уонна Амма улууһун ыччат уонна дьиэ кэргэн политикатын салалталарыгар, уонна үп-харчы өттүнэн улахан көмөнү оҥорбут «Амма нэһилиэгэ» муниципальнай тэриллии салалтатыгар, нэһилиэкпит аҕа баһылыгар Артемьев Михаил Алексеевичка

Светлана Ефремова