Амма улууһуттан аатыттан 16 дэлэгээт кыттыыны ыллыбыт. Саха тыла сайдыытын уонна төрүт тылы харыстааһын тула ырытыһыыны норуот дьокутааттара өрөспүүбүлүкэ учууталларын уонна улуус, нэһилиэк баһылыктарын, учуонайдары, кинигэ ааптардарын кытары көрсөн, маҥнайгы күн дьүүллэһии буолбута. Бу көрсүһүү тыл сокуона олоххо киирбитэ 30 сылыгар уонна “Оҕону төрүт тылга уһуйуу” диэн федеральнай сокуон ылыллыбыта 10 сылыгар ананна. Санаа астаһыыга 100-тэн тахса киһи кытынна. Манна сүрүннээн инникитин тылы харыстааһын, оннунан хаалларыы , оҕолору кыра эрдэхтэриттэн саҕалаан саха тылыгар уһуйууну торумнастылар. Итиэннэ, аҥаардас учуутал эрэ санныгар сүктэрбэккэ, бүтүн уопсастыба кыттыыны ылыахтааҕын этиннилэр. Тэрээһин кэмигэр көтөҕүллүбүт боппуруостары, этиилэри барытын дьокутааттар бэлиэтэнэн, инникитин тылы харыстааһыҥҥа көрүллэр саҥа быһаарыылары ылынарга туһаныахтара диэн эрэннэрбиттэрэ.
Сийиэс чэрчитинэн араас тэрээһиннэргэ сырыттыбыт. Элбэҕи билэн, көрөн, саҥа салаалары баһылаан эрэбит дии санаатыбыт. Сахалыы тыыннаах оҕолору үөрэтиигэ маннык тэрээһиннэр олус наадалар. Тылбытым сүтэрбэппитигэр, тылбыт симэлийбитин туһугар туруулаһан үлэлиэхтээхпит. Бастатан туран, төрөппүттэр, онтон учуутал салайан кэрдэн биэриэхтээх.
Элбэх кэпсэтии, санаа атастаһыы буолла, тылбыт сайдарын, эйгэтэ кэҥиирин туһугар үгүс этии киирдэ, дьон биир өттүнэн санаатын тиэрдэ сатаата, биир идэлээхтэрбитин кытта алтыһан, сүрэхпитигэр эрэл кыымын саҕан тарҕастыбыт.
Анетта Гаврильева Эмис орто оскуолатын саха тылын учуутала, эбии үөрэхтээһин педагога.