Сэтинньи 19 күнугэр „Амма чэчирэ“ Российскай Федерация уус-уран кердерүүлээх коллектива, оҕо ырыа уонна уӈкүү этнографическай ансамбылын иитэр-уөрэтэр үлэтин былаанынан Айыы дьиэтигэр уолаттарга аналлаах «Сэтинньи – Байанай ыйа» тэрээһин ыытыллынна.

Алгысчыт Петр Федорович Неустроев Байанайга сиэр-туом ыытта, оҕолорго анаан алгыһын анаата. Айылҕа харыстабылын инспектора Портнягин Герасим Петрович бултааһын ирдэбиллэрин, сааны хас сааскыттан тутуохтааххын, хаһан охот билет ыларгын, ураты харыстанар кыыллар, көтөрдөр тустарынан оҕолорго быһааран сырдатта, ыйытыыларыгар эппиэттээтэ. Методист Скрябина Феврония Владимировна булт туһунан тургутук ыйытыылары биэрдэ, булчут тыаҕа сылдьан туох сиэри-туому тутуһарын, бултка сыһыан туһунан кэпсээтэ. Инникитин бу уолаттар сиэри-туому тутуһар бааттаах булчут дэттэриэхтэрэ. Бу тэрээһин ансаамбылга үгэскэ кубулуйан уолаттары сахалыы өйгө-санааҕа иитэр биир дьоһун хамсаныы буолуохтаах. Тэрээһиҥҥэ кыттыыны ыллылар 23 оҕо, 2 кылаас салайааччыта, 3 эбии үөрэхтээһин педагога.

Методист Скрябина Ф.В.