Саас буолан оҕо эрэ барыта араас таһымнаах күрэхтэргэ, тэрээһиннэргэ кытталлар. Ол курдук, кулун тутар ый саҕатыгар “Үрдэл” ырыа ансаамбылыгар, “Дуораан” фольклорнай бөлөх, “Арсон” оҕо үҥкүү ансаамбылын оҕолоругар уонна кинилэр төрөппүттэригэр аналлаах чэгиэн чөл туругу чэбдигирдэр, оҕо төрөппүтү кытта сыһыаны бөҕергэтэр “Оҕоҕун төһө чугастык билэҕин” диэн квест оонньуу ыытыллынна.
Ону таһынан, Саха сиригэр Ийэ сылынан фитнес аэробикаҕа флешмоб буолан ааста. Флешмоб уонна фитнес аэробиканы иилээн- саҕалаан ыытта Фитнес – аэробика тренера, АГИКиИ үҥкүүгэ преподавателя Сардаана Николаевна Михайлова. Төрөппүттэр икки ардыларыгар спортивнай көрүҥнэртэн күрэх ыытыллынна. 10 төрөппүт кыттыыны ыллылар.
Россия уонна Саха өрөспүүбүлүкэтин худуоһунньуктарын айар союһун чилиэнэ, СӨ культуратын туйгуна Николай Рязанскай “Оҕо сааһым сайылыгар” 70 – ча туруорбут хартыынатын быыстапкатыгар кулун тутар 4-5 күннэригэр ырыа ансаамбылын оҕолоро бары үөрэ – көтө сырыттылар.
Бу 2022 сылга биир дойдулаахпыт, норуот тапталлаах ырыаһыта Христофор Максимов аатынан сайын от ыйын 1-2 күннэргэ буолар “Ырыа ыһыаҕар” бэлэмнэнэн, оҕолорго аналлаах кэтэхтэн дэгэрэҥ ырыаҕа күрэх ыытан эрэбит. Оҕо ыччакка дэгэрэн ырыаны сайыннараары сайын бэс ыйын саҕатыгар республиканскай “Лети высоко голубь — Дэгэрэҥ” диэн ааттаах оскуола студиятын ыытабын. Ааспыт ый бүтэһик күннэригэр оҕолор республиканскай таһымнаах күрэхтэргэ кыттан кырата суох ситиһиилэннилэр, ол курдук: “Саха ырыата” республиканскай күрэххэ 2 оҕо кыттыбыта Виталий Носов ситиһиилээхтик кытынна, Максимов Максим – 2 степеннээх дипломант. Бүлүү куоратыгар ыытыллыбыт Республиканскай “Өбүгэ ситимэ” күрэҕэр уопсайа 8 оҕо кытынна: 6 оҕо Фольклорнай “Дуораан” бөлөҕө – Гран при, дуэт Дениэль, Юлиан Матвеевтар – Лауреат 1 степени, Виталий Носов – лауреат 1 степени, Максимов Максим – Лауреат 2 степени, Матвеева Александра – Лауреат 1 степени. Уол оҕо билиитин — көрүүтүн хаҥатар улуустааҕы “Басхан — 2022” күрэххэ үөрэнээччим Максим Максимов кыттан – “Ылыннарыылаах тыл Басхана” анал ааты ылла.
Кулун тутар ый 18 күнүгэр буолбут “Кэрэ ситимэ” улуснай күрэххэ үөрэнээччим Айыллаана Сазонова ийэтинээн Сардааналыын уонна балтын Айсеналыын 1 миэстэни ыллылар.
Бу буола турар ыччат фестивалын “Муус устар” бырайыак иһинэн ыытыллыбыт “SULUSTAR” телевизионнай республиканскай ырыа күрэҕэр полуфиналист буоллум. “Муус устар бырайыак хоһоон ааҕыытыгар күрэххэ үөрэнээччим Матвеев Дениэль кытта сылдьар. Оҕолор араас күрэххэ, буолар тэрээһиннэргэ кыттыыларыгар төрөппүттэр олус көмөлөһөллөр уонна эбии сайыннарарга дьулуһалларыгар улахан махталбын биллэрэбин.
Александра Матвеева
Эбии уерэхтээьин педагога