Сэтинньи 23 күнэ Амматааҕы айар сайдыы киин биир бэлиэ күнэ буолар. Бу күн 1932 сыллаахха Соморсун Арыылааҕар Вера Романовна, Петр Яковлевич Ивановтар дьиэ кэргэҥҥэ Ольга Иванова күн сирин көрер. 2022  сыл сэтинньи 23 күнүгэр  РФ уонна Саха АССР култуураҕа үтүөлээх үлэһитэ, Саха республикатын айылҕа харыстабылыгар туйгуна, Амма Бочуоттаах олохтооҕо Ольга Петровна Иванова-Сидоркевич 90 сааһын бэлиэтиир тэрээһиннэр буоллулар.

«Тэтим» радио «Ретро час» биэриигэ сарсыарда 10.00 чаастан 11.00 чааска диэри быьа эфиргэ «Амма чэчирэ» ансаамбыл выпускниктара Сардаана Харитонова, Күннэй Николаева, Мария Пестрякова, Анна Матвеева кытыннылар. Үүнэр көлүөнэ ыччаты төрөөбүт сиригэр туһалаах олоҕу олорорго үөрэппит, өйүгэр-сүрэҕэр ырыа кутун иҥэрбит, кини үөрэҕин-үлэтин салҕааччы выпускниктар  истиҥҥик санаан-ахтан аастылар, кэпсээтилэр.

Кунус 15.00 чаастан Ольга Петровна пааматынньыгар сибэкки дьөрбөтүн ууруу үөрүүлээх чааһыгар Амма улууһун баһылыгын социальнай боппуруостарга солбуйааччы С.В.Борисова, Амма нэһилиэгин баһылыгын эбээһинэһин толорооччу А.И.Яковлев, Амма улууһун үөрэҕэриигэ салалтатын салайааччыта Ю.Е.Шишигин, Амматааҕы айар сайдыы киин директоры иитэр-үөрэтэр үлэҕэ солбуйааччы Ф.В.Данилова тыл эттилэр. Ольга Петровна аата ааттана туруо5ун туьунан, кини тэрийбит улэтин салҕыыр Амматааҕы айар сайдыы киин коллектива айымньылаахтык улэлиирин, инникитин кэлэр көлүөнэ ыччаттарга сырдык, ыраас, улахан Оҕо Дыбарыаһа тутуллуо диэн эрэннилэр. «Амма чэчирэ» ансаамбыл кыргыттара Ольга Петровна «Үөрэргэ үөрэниэҕиҥ» ырыатын ыллаатылар. Кэлбит ыалдьыттар, оҕолор, төрөппүттэр Амматааҕы айар сайдыы киин педагогтарын маастар-кылаастарыгар сылдьан элбэҕи биллилэр, өйдөбүнньук оҥоһуктары оҥорон дьиэлэригэр илдьэ бардылар.

19.00 Ф.Потапов аатынан культура киинэ  уонна Вера Геляриевна Шилова тэрийбит «Таптыа5ыҥ ийэни»  кэнсиэригэр биьиги педагогтарбыт А.М.Матвеева, В.В.Иванова, «Амма чэчирэ» ансаамбыл выпускницата Настя Черноградская кыттыына ыллылар, О.П.Иванова-Сидоркевич ырыаларын ыллаатылар.