Сэтинньи 29 күнүгэр О.П.иванова – Сидоркевич аатынан Амматаађы айар сайдыы  киинигэр Амма нэьилиэгин 14-16 саастаах уолаттарыгар аналлаах «Булчут кутаата» күрэх буолла. Күрэх Байанай ыйыгар ананна уонна «Дьулус» социальнай бырайыак чэрчитинэн ыытылынна. Күрэђи ыытарга Амматаађы  СЮТ кыттыста педагог Павел Павлович Иванов уонна  Егор Афанасьевич Дьячковскай  уонна Айылђа харыстабылын салалтатын инспектора Петр Петрович Захаров.

Күрэххэ үс хамаанда 7 түһүмэђинэн күөн күрэстилэр. Ол курдук Амма №1 дээх орто оскуолатыттан 9 «в» кылааьыттан    Айтал Павлов командирдаах «Эрэл» хамаанда, Чапчылђантан Вася Кириллин командирдаах «Булчуттар»  хамаанда, Сюттан Филиппов Женя командирдаах «Азимут» хамаанда уолаттара викторина боппуруостарыгар эппиэттээтилэр, воздушканан сыал ыттылар, бириэмэђэ балыктаатылар, куобахтаан ыстаннылар, «Бултаабыт булкун бул» диэн карточканан үлэлээтилэр, духовой ытыыга  күрэхтэстилэр.

Түмүккэ, бастакы миэстэни «Азимут» хамаанда, иккис миэстэни «Эрэл», үһүс миэстэни «Булчуттар» хамаанда ыллылар. Кыайыылаахтар дипломнарынан уонна бириистэринэн нађараадаланнылар.

Александра Егорова  методист