Олунньу 12 күнүгэр О.П.Иванова –Сидоркевич аатынан Амматаађы айар сайдыы киинигэр «Киһи, экология, культура: билиңңи кэмңэ экологическай иитии, ођо экспедицияларын тэрийэн сайыннарыы сүрүн боппуруостара» диэн ааттаах улуустаађы семинар ыыттыбыт. Бу семинарга улуус оскуолаларыттан биология, химия учууталлара, эбии үөрэхтээһин тэрилтэлэрин педагогтара, методистара, Амматаађы айылђа харыстабылын инспекциятыттан, Күннүк Уурастыырап аатынан улуустаађы кииннэммит бибилэтиэкэттэн уонна общественниктар кыттыыны ыллылар. Семинар чэрчитинэн Гелярий Владимирович олођун уонна ансаамбылга үлэтин туһунан кэпсиир выставка, «Аммам устан суһумнаа» кинигэнэн выставка турдулар. Семинар арыллыытыгар «Амма нэһилиэгэ» МТ баһылыгын солбуйааччыта, «Амма чэчирэ» ансаамбыл выпускницата Любовь Афанасьевна Боярская, Амматаађы үөрэх управлениятын начальнигын солбуйааччыта Саргылана Кимовна Назарова кэлэн, ахтан –санаан, тыл эттилэр.
Семинар бастакы чааһыгар улуус оскуолаларыгар, эбии үөрэхтээһин тэрилтэлэригэр экологическай үлэ, бырайыактар ыытыллытын туһунан дакылааттары, иһитиннэриилэри иһиттибит. Бу хайысхађа ситиһиилээхтик Бөтүң орто оскуолата уонна Амматаађы лицей сайыңңы кэмңэ ођолору кытта научнай — чинчийэр үлэни кытта экспедициялары тэрийэн ыыталлар эбит.
Күн иккис аңарыгар салгыы дакылааттары иһиттибит. Онтон төгүрүк остуолга экспедициялары тэрийии, ођону экологическай иитии , айылђаны харыстыыр боппуруостарыгар кэпсэтиһии буолла. Кэпсэтии түмүгүнэн, маннык этиилэр киирдилэр:
 Детсад, оскуола, эбии үөрэхтээһин тэрилтэлэрин дьиэ кэргэн, иһинэн иитии үлэтэ системалаахтык барыахтаах;
 Кэлэр сылга экологическай семинары эбэтэр конференцияны региональнай эбэтэр республиканскай таһымңа ыытыллыахтаах. Маныаха бу ыытыллар тэрээһиңңэ айылђа харыстабылыгар үлэлии сылдьар специалистар, учуонайдар, общественниктар бииргэ үлэлэһэллэрэ түмүктээх буолуохтаах;
 Ытык кэрэ сирдэр харыстанар сир статуһун ылар докумуонун (бигэргэтэр сурук), оңорорго география, биология учууталларын көмөлөрө ирдэнэр.
 Экология уонна айылђа харыстабылын эйгэтигэр сокуонна, дьаьалга тахсар уларыйыылары нэьилиэнньэђэ сырдатар – тириэрдэр үлэлэр ыытыллыахтаахтар.
 Ођолорго экологическай слеттары, конференциялары тэрийэн ыытарга.
 Нэһилиэк аайы экологическай, туристско – краеведческай, научнай – чинчийэр экспедициялары тэрийэн ыытарга;
 Детсад, оскуола, эбии үөрэхтээһин тэрилтэлэрэ ыытар экологическай үлэлэрин сүрүннүүр, салайар биир киин тэриллиэн наада.

Бу этиилэр олоххо киирэр түгэннэригэр экологическай үлэ бэрээдэктэнэн, инникитин таһаарыылаах, үтүө түмүктэрдээх буолуођа.

Александра Егорова методист