Тохсунньу 29 күнүгэр 2019 с. Саха норуотун үһүс кэнгириэһигэр бэлэмнэнэр Амма улууһун ыҥырыылаах сүбэ мунньаҕар О.П.Иванова-Сидоркевич аатынан Амматааҕы айар сайдыы кииниттэн 5 делегат кыттыыны ылла.

1 секция: Саха тыла уонна култуурата, итэ5эл, дьиэ-кэргэн туруктаах буолуута;

2 секция: Айыл5аны харыстааһын уонна сир боппуруостара;

3 секция: Улуус социальнай-экономическай сайдыыта;

Секциянан үлэлэр түмүктэринэн, дьон этиилэрин учуоттаан резолюция ыллынна, улуус сэбиэтэ уонна республика конгреһыгар кытта барар 15 депутаттар талыллыннылар. Республикатааҕы конгресс түмүгүнэн саха норуота сомоҕолоһон, түмсэн, сайдыы, үүнүү кэскиллээх былааннарын ылыммыт резолюцияны олоххо киллэрии күүстээхтик барыахтаах.

Омук дэтэр суолбут

Сэмэн Силэпсиэп — Сүргэн      

Кэҕэлииртэн уурайан

Кэскил суолун арыйан,

Үтүктээйи буолартан

Экчи быһа уурайан,

Бэйэ киэнин биһирииргэ,

Умнуллубуту сөргүтэргэ

Умса-төннө үлэлиэх.

Олоҕо суох буруйдаммыт

Саарыннарбытын ахтан,

Кылаан кырдьык туһугар

Уоттаах сулус кэриэтэ

Суолдьут гына сылдьыахха,

Муна сылдьар куттары

Угуйуохха үрдүккэ.

Айылҕаны харыстаан

Сиэргэ-туомҥа тардыһан,

Итэҕэли тилиннэрэн,

Улуу Куйаар Сэһэнин

Дорҕооннорун биһирээн,

Алгыс тыынын иҥэрэн

Ийэ куту күүһүрдүөх.

Методист Скрябина Ф.В.