Сэтинньи 22 -23 күннэригэр World skills «Технология моды» компетенцияҕа биһиги педагогтарбыт Нь.М. Колосова сүрүн экспертынан уонна С.Ю.Борохина экспертынан үлэлээтилэр. Кыргыттар күрэххэ эрдэттэн бэлэмнэнэн кэлэн үс модулунан 3 сорудаҕы толорон «Худи» блузканы тиктилэр. Түмүккэ 1 миэстэни ылла Арина Артемьева Алтан орто оскуолатын үөрэнээччитэ, 2 миэстэҕэ таҕыста Саргылана Уварова Соморсун орто оскуолатын үөрэнээччитэ, 3 миэстэни ылла Милана Олесова Мээндиги орто оскуолатын үөрэнээччитэ, 4 миэстэни ылла Уруйдаана Кралина Амма № 1 орто оскуолатын үөрэнээччитэ.