Төгүрүк остуолга кыттыыны ыллылар: Амма оройуонун үөрэҕириигэ салалтатын иитии уонна эбии үөрэхтээһин отделын сүрүннүүр исписсиһэлииһэ Алтаана Артемьева, СР үтүөлээх учуутала, Бэтэрээн учуутал Александра Артемьева, үлэлээх буолуу киин салайааччыта Лена Вензель, Дьокуускайдааҕы тыа хаһаайыстыбатын техникумун специалиһа Марфа Дмитриева, Сатаҕай оскуолатын директора Иванна Шишигина, Бөтүҥ оскуолатын директора Акулина Иванова, Эдэр натуралыыстар станцияларын дириэктэрэ Дмитрий Матвеев, Амма нэһилиэгин дьаһалтатын ыччат политикатыгар уонна спорка специалиһа Давид Федоров, «Кэнчээри» бааһынай хаһаайыстыба салайааччыта Марфа Харитонова, Бөтүҥтэн Елена Степанова, Амматааҕы лицей дириэктэри иитэр үлэҕэ солбуйааччы Майя Карманова, Амматааҕы лицей төрөппүттэрин сэбиэтин чилиэнэ Роман Алексеев уонна «Дьөһөгөй» кулууп салайааччылара Анжела Филиппова, Любовь Алексеева уонна төрөппүттэр. Төгүрүк остуол кыттыылаахтара оҕону үлэнэн иитиигэ ылсыһан, үлэлэһэ сылдьар дьон буолан бэйэлэрин көрүүлэрин, санааларын үллэһиннилэр. Билиҥҥи кэмҥэ ханнык баҕарар үлэни сатаан үлэлиир киһи бу олоххо миэстэтин булунарын олохпут көрдөрдө. Тыа сирин оҕото, эдэр ыччата илиинэн үлэҕэ сыстаҕас, кыайыгас, тулуурдаах,дьулуурдаах буоларыгар төрөппүттэр, оскуола, эбии үөрэхтээһин тэрилтэлэрэ, бааһынай хаһаайыстыбалар, олохтоох дьаһалта, тэрилтэлэр бары кыттыһан үлэлэстэхпитинэ эрэ үтүө түмүктэрдээх буолуоҕа. Мунньахха киирбит этиилэр олоххо киирдэхтэринэ оҕону үлэнэн иитиигэ биир систиэмэ олохтонуо этэ.Оҕо кыра эрдэҕиттэн дьиэ иһинээҕи үлэҕэ сыстан, эппиэтинэстээх буола улаатарыгар төрөппүт оруола улаханын бары бэлиэтээтилэр.»Дьөһөгөй» кулууп сыллааҕы үлэтин биһирээтилэр. Бу кулууп үлэтин салгыы Бөтүҥ уонна Сатаҕай оскуолалара сайыннаран ыытыахтара.Сатаҕай оҕолоро инникитин тыа хаһаайыстыбатын специалистара буолар санаалаахтара үөрдэр.»Дьөһөгөй» бырайыак уолаттары үлэҕэ сыһыарда, тыа хаһаайыстыбатын идэлэригэр туһаайда.
#трудовоевоспитание
#круглыйстол
#дьеһегейклуб